Futbollisti i Shkendijës Sabit Bilali, pas incidentit që bëri në ndeshjen me Akademia Pandevin, fillimisht duke goditur një futbollist dhe më pas shqelmoi tjetrin, mori një dënim të rëndë. Atij i është ndaluar të luaj futboll për gjashtë muaj.
Kjo do të thotë se Bilali do të mund të luajë vetëm më 7 maj të vitit të ardhshëm. Pra, sezoni ka përfunduar për të. Kështu ka vendosur Komisioni Disiplinor i Federatës së Futbollit të Maqedonisë.