Pas raportimit nga mediat në Shqipëri se Edi Rama ka refuzuar pjesëmarrjen e zëvendëskryeministrit Besnik Bislimi, në drekën joformale me liderët e rajonit, të thirrur nga kryeministru shqiptar, kanë reaguar nga kabineti i Bislimit.
Këshilltari për media i Bislimit, Klisman Kadiu tha se ky është një spekulim, raporton Gazeta Blic.
Reagimi i plotë:
Lajmi i djeshëm për pjesëmarrjen e zëvendëskryeministrit Bislimi në takimin joformal në Tiranë nuk është i vërtetë. Nuk ka qenë i planifikuar e aq më pak i konfirmuar.
Meqë nuk ka patur asnjë konfirmim nga zëvendëskryeministri Bislimi, atëherë nuk ka mundur as t’i refuzohej pjesëmarrja apo prania e tij. Prandaj edhe raportimet nga disa media shqiptare në lidhje me refuzimin nuk janë gjë tjetër veçse spekulim dhe duke qenë i tillë veç mund të spekulojmë për origjinën e tij.