Paga mesatare mujore neto e paguar për punonjësit në maj të vitit 2023 është 36.465 denarë dhe është për 16,1 për qind më e lartë se muaji i njëjtë i vitit të kaluar. Rritja është për 5.058 denarë.
“Sipas Entit Shtetëror të Statistikave, kjo rritje vjen kryesisht si pasojë e rritjes së pagës mesatare mujore neto të paguar për punonjës në sektorët: Veprimtaritë e shërbimeve administrative dhe ndihmëse (25.5%), veprimtaritë profesionale, shkencore dhe teknike (21.4%) dhe veprimtaritë financiare dhe të sigurimit (18.8%)”, thuhet mes tjerash në njoftimin e Qeverisë.