Ish-kryeministri i Britanisë së Madhe, Tony Blair ka mbërritur në Shqipëri pasditen e sotme, duke zbarkuar me një helikopter ushtarak në qytetin e Himarës.
Ende nuk dihen motivet e vizitës por nuk përjashtohet mundësia që Blair të ketë mbërritur në vendin tonë për pushime.
As nga pala shqiptare nuk ka asgjë të konfirmuar nëse ish-lideri britanik do të ketë një takim me kryeministrin Edi Rama në ditët në vijim.
Kjo nuk është hera e parë që ish-kryeministri britanik viziton Shqipërinë, pasi ai ka zgjedhur të kalojë pushimet në vend në vitin 2016 dhe në vitin 2021.