Xhiroja e pestë në elitën e futbollit vendor sjell përballë njëri tjetrit, Shkupin dhe Gostivarin. Këta të fundit do të jenë mysafir të bardhebluve në Çair.
Skuadra e Gostivarit “shijoi” fitoren e parë këtë mesjavë në elitë dhe në Çair vjen e motivuar përballë një Shkupi që dy xhirot e fundit regjistron vetëm barazime.
Në kryeqytet gjithashtu do të ketë edhe një ndeshje tjetër, me Shkëndijën që luan me Rabotniçkin.
Në ndeshjet tjera takohen, Tikveshi – Voska Sport, Bregallnica – Brera dhe Sileksi – Makedonija Gjorçe Petrov.
Të gjitha këto ndeshje luhen nesër nga ora 17:00, ndërsa Struga – Vardari është shtyrë për me 1 nëntor.