Moti në Shqipëri do të vazhdojë të jetë i qëndrueshëm, kryesisht i kthjellët i shoqëruar me temperatura relativisht të larta.
Këtë fundjavë vendi ynë do të jetë në ndikim të kushteve atmosferike të qëndrueshme. Moti parashikohet me kthjellime dhe vranësira të pakta kalimtare.
Sipas Shërbimit Meteorologjik Ushtarak (SHMU) depërtimi i masave ajrore të ngrohta me origjinë jugore, si dhe depërtimi i anticiklonit do të bëjë që orët me diell do të mbizotërojnë në pjesën më të madhe të kohës.
Për sa i përket temperaturave ato pritet të pësojnë rritje kryesisht në vlerat e mesditës ku termometri do të shënoj vlerën e 35-36 gradë.