Menduh Thaçi, lider i PDSh-së ka konfirmuar informacionet se kjo parti do të bartë dy pozita në kuadër të marrëveshjes për koalicion me Frontin Europian, transmeton TV21. Thaçi bëri të ditur se kësaj partie i takon pozita 4 dhe 9 në njësinë zgjedhore numër 6.
“Kemi dy pozicione fituese në njësinë 6. Me fol drejtë, unë kam pasur ofertë të jem i dyti. Ka shumë arsye që s’kam pranuar të jem i dyti – kam thënë s’ka problem, ku të doni. Pastaj e kam marr sinjalin që nëse nuk dal unë, mund të mos e marrin seriozisht votuesit e PDSH-së, anëtarësia. Do ta kemi edhe numrin 9”, tha Thaçi.