Nesër, me fillim nga ora 18:00, në sheshin “Maqedonia” në Shkup, është paralajmëruar një protestë nga studentët në shenjë reagimi ndaj tragjedisë së rëndë që ndodhi në Koçan, informon POPULLI.mk
Ngjarja tragjike, ku humbën jetën 59 persona, shumica të rinj, si pasojë e zjarrit që përfshiu diskotekën e palicencuar “Puls”, ka shkaktuar zemërim dhe shqetësim të madh në opinionin publik.
Organizatorët e protestës kërkojnë përgjegjësi institucionale dhe masa më të rrepta për sigurinë në objektet e argëtimit, në mënyrë që tragjedi të tilla të mos përsëriten në të ardhmen. / © POPULLI.mk