Gareth Bale “var këpucët në gozhdë” në moshën 33-vjeçare.
Këtë lajm e ka bërë publik vetë sulmuesi uellsian në një postim në rrjetet sociale, ku thekson se ka ardhur momenti për një tjetër fazë më jetën e tij.
“Tërheqja nga futbolli është vendimi më i vështirë që kam marrë në karrierën time. Faleminderit të gjithë ish-klubeve të mi, është momenti për një tjetër fazë në jetën time.”-shkruan Bale.
Për herë të fundit Bale ka luajtur në Amerikë për klubin e Los Angeles FC, ndërsa periudha e artë për sulmuesin ka qenë në kohën kur ishte titullar i padiskutuar i Real Madrid.