Në kuadër të Ditës Botërore të Riciklimit, ministri i Ekologjisë, Muhamet Hoxha, ka riafirmuar përkushtimin institucional për transformimin rrënjësor të mënyrës së menaxhimit të mbeturinave në vend, shkruan POPULLI.mk
Ai theksoi se përmes ndërtimit të qendrave rajonale tashmë po krijohen kushte konkrete për ndarjen e mbeturinave në fraksionin e thatë dhe atë organik, duke e cilësuar këtë si hapin e parë dhe më të rëndësishëm drejt një sistemi efikas të riciklimit.
Sipas Hoxhës, objektivi kryesor mbetet ndërtimi i një infrastrukture moderne që do të mundësojë një kthesë të gjelbër në nivel kombëtar. Ai nënvizoi se vetëm përmes një sistemi funksional të riciklimit, shprehitë ekologjike do të bëhen pjesë e përditshmërisë për çdo qytetar. / © POPULLI.mk