Nafta në pikat e “Makpetrol” do të shitet nga mesnata me çmim më të ulët për tre denarë krahasuar me atë të përcaktuar nga Komisioni Rregullator për Energjetikë. Kompania që dje kishte ulur çmimin për dy denarë, me korrigjimin e ri e çon uljen totale në tre denarë për litër.
Me ndryshimin e fundit, çmimi i naftës do të jetë 92,5 denarë për litër.
Uljen e kanë pësuar edhe disa nga karburantet e tjera. Eurosuper BS-95 në pikat e “Makpetrol” do të shitet për 84,5 denarë për litër, ndërsa Eurosuper BS-98 do të kushtojë 86,5 denarë për litër, që janë më të ulëta se çmimet e përcaktuara nga rregullatori.
Ndërkohë, Komisioni Rregullator për Energjetikë dje publikoi çmimet referente, sipas të cilave Eurosuper BS-95 është 86,50 denarë për litër, Eurosuper BS-98 88,50 denarë, ndërsa Eurodizel BS është përcaktuar në 95,50 denarë për litër.