Zëvendëskryeministri i parë, Artan Grubi ka dhënë lajmin e madh për të gjithë qytetarët e vendit për nënshkrimin e fillimit të ndërtimit të Korridorit 8 dhe 10D.
Ditë historike, nuk ka më asnjë pengesë, po fillojmë ndërtimin e Korridorit 8 dhe 10D!
Bashkë me Kryeministrin Dimitar Kovaçevski, ministrin e Transportit dhe Lidhjeve Bllagoj Boçvarski, zëvendësministrin Bekim Rexhepi, drejtorin e NP “Rrugët Shtetërore” Ejup Rustemi dhe drejtorin e konzorciumit ndërkombëtar IRD Engineering, Paolo Orsini finalizuam sot hapin vendimtar për realizimin e projektit më madh infrastrukturor në vend, Korridorit 8 dhe 10D me nënshkrimin e marrëveshjes për procesin e konsulencës juridike dhe mbikëqyrës së procesit të ndërtimit.
Pas nënshkrimeve të vendosura sot në këtë marrëveshje menjëherë nga dita e hënë do të mbajmë mbledhjen e Komitetit drejtues për Korridorin 8 dhe 10D për të filluar fazën e negociatave përfundimtare me konzorciumin Bechtel Enka.
Falënderoj të gjithë ata që dhanë kontribut në realizimin e këtij procesi historik për zhvillimin e vendit!