Xabi Alonso, trajneri i Bayer Leverkusen dhe ish-mesfushori i Liverpool-it, është rikthyer në “Anfield Road” por këtë herë kundër ish-klubit të tij.
“Është ndjenjë e mrekullueshme të jem përsëri këtu pas disa vitesh. Gjithmonë është diçka speciale,” ka thënë ai.
“E dua këtë qytet dhe është fantastike të shohësh se si Liverpooli po zhvillohet si klub.”
Alonso, i cili luajti për Liverpool-in nga viti 2004 deri në 2009, ishte një figurë kyçe në mesfushë dhe mbetet i dashur nga tifozët.
Liverpooli luan kundër Bayer Leverkusenit sonte në Ligën e Kampionëve.