Lideri i Bashkimit Demokratik për Integrim, Ali Ahmeti, do të zhvillojë një takim me qytetarët e Çairit të enjten, më 27 shkurt, në kuadër të aktiviteteve të tij me strukturat dhe mbështetësit e partisë, informon POPULLI.mk
Takimi do të mbahet në sallën e Operës dhe Baletit në Shkup, me fillim në ora 19:00. Ky organizim është iniciuar nga dega e BDI-së në Çair dhe synon të forcojë komunikimin me qytetarët dhe të adresojë çështjet e rëndësishme për komunitetin.
Ky është një nga takimet e shumta që Ahmeti ka mbajtur kohëve të fundit, në prag të zhvillimeve të rëndësishme politike në vend. / © POPULLI.mk