Kryetari i komunës së Sarajit, Blerim Bexheti, i ftuar sonte në emisionin Click Plus në TV21, tha se asnjëherë ndonjë nga partia nuk i ka kërkuar Ali Ahmetit të shkarkojë ndonjë ministër, por sipas tij, është kërkuar të vlerësohet puna e gjithsecilit sipas funksionit që kryen.
“Ne nuk kemi kërkuar nga Ali Ahmeti të shkarkojë dike apo jo. Kemi kërkuar të vlerësojë punën e gjithsecilit. Ka edhe projekte të realizuara, por shumë projekte madhore lënë për të dëshiruar. Çdokush ka personalitetin e vet, punën e vet, dhe nëse unë bëj një shkelje ligjore, fajin nuk e ka Ali Ahmeti. Ai na jep mundësinë.”- tha Bexheti.