Sonte, në orët e mbrëmjes, në territorin e Komunës së Çairit do të nisë një aksion i zgjeruar për pastrimin e hapësirave publike, në kuadër të përgatitjeve për festën e Fitër Bajramit, me prezencën e Kryetarit të Komunës së Çairit, Izet Mexhiti.
Aksioni do të realizohet në bashkëpunim me ndërmarrjet publike “Higjiena Komunale”, “Parqet dhe Gjelbërimi”, si dhe Shoqatën Vullnetare të Zjarrfikësve “Bajram Miftari”, me angazhimin e punëtorëve sezonalë dhe përdorimin e makinerisë përkatëse për pastrim dhe larje të rrugëve.
Aktiviteti do të zhvillohet gjatë gjithë natës, me fokus në trajtimin e pikave me më shumë nevojë dhe mirëmbajtjen e hapësirave publike në të gjithë territorin e komunës.