Çellsi dhe Man. Junajted janë ndër klubet që monitorojnë talentin e Lajpcigut, Asan Ouedraogo, lajm që konfirmohet nga “Sky Germany”. Mesfushori 19-vjeçar ka shënuar tre gola dhe ka dhënë katër asiste në 12 ndeshje në të gjitha garat deri më tani këtë sezon.
Si rezultat, ai u thirr për të bërë debutimin e tij të parë për Gjermaninë në nëntor kundër Sllovakisë, duke shënuar në ndeshjen kualifikuese të Kupës së Botës. Një transferim në janar mendohet të jetë shumë i pamundur duke qenë se ai aktualisht është i përqendruar te Lajpcigu dhe Bundesliga, si dhe në sigurimin e një vendi në skuadrën e Gjermanisë për Kupën e Botës.
Çellsi dhe Man. Junajtedi vëzhgojnë dhe monitorojnë shumë lojtarë të rinj në të gjithë botën dhe janë ndër disa klube nga Premier Liga që po e mbajnë nën vëzhgim progresin e Ouedraogo ndërsa shikojnë drejt së ardhmes.
Ouedraogo nuk ka klauzolë lirimi në kontratën e tij, kështu që interesi për të mendohet të pritet verën e ardhshme nëse ai vazhdon në rrugën e tij aktuale. Ai e kaloi sezonin e kaluar si huazim te Shalke, duke shënuar tre gola në 17 paraqitje në ligën e dytë gjermane.