Sot, me datë 30 mars, me fillim nga ora 15:00 do të luhet super-derbi i kryeqytetit të MV, FC SHKUPI – FK VARDAR, në stadiumin e Çairit, shkruan POPULLI.mk
Çairasit janë shumë më të përgatitur se kundërshtari dhe kjo shihet që nga pozicionimi në tabelë. Shkupi gjendet në vendin e dytë të tabelës ndërsa Vardari gjendet poshtë në vendin e 10-të nga gjithsej 12 klube në Ligën e Parë.
Ky derbi njihet edhe si njëri nga më të zjarrtit në rajon e jo vetëm në MV. Duke parë historikun e dy klubeve dhe përleshjet që kanë pasur më herët tifogrupet e dy skuadrave Shvercerat Shkup dhe Komitët,kjo përballje gjithmonë sjell me vete euforinë dhe entuziazmin se me çfarë ngjyrash do të pikturohet qyteti; me kaltër bardh ose me kuq e zi. / POPULLI.mk