Sipas informacioneve të fundit, Bashkimi Demokratik për Integrim ka zyrtarizuar emrat e kandidatëve të saj për katër komuna në zgjedhjet lokale që po afrohen, informon POPULLI.mk
Në Kërçovë, BDI i qëndron besnike kryetarit aktual Fatmir Dehari, duke e rikandiduar për një mandat të ri. Në komunën e Likovës, partia ka vendosur të garojë sërish me Erkan Arifin. Rikandidim do të ketë edhe në Çashkë, ku Suat Shaqiri kërkon të zgjidhet kryetar i kësaj komune. Ndërkohë, në Studeniçan, kandidati i BDI-së do të jetë Ejup Abazi.
Zyrtarizimi i këtyre kandidaturave vjen në prag të intensifikimit të fushatës për zgjedhjet lokale të tetorit të këtij viti. / © POPULLI.mk