“Fondi i Trashëgimisë së Kupës Botërore të FIFA-s ‘Katar 2022’ është një projekt i rëndësishëm që bazohet në ndikimin e madh të konkurrencës nga perspektiva e qëndrueshmërisë”, tha Gianni Infantino, president i FIFA-s
Federata Ndërkombëtare e Shoqatës së Futbollit (FIFA) ka shpallur një fond prej 50 milionë dollarësh, i krijuar në bashkëpunim me Katarin, për të ndikuar në shoqëri në disa rajone të botës, transmeton Anadolu.
“Fondi i Trashëgimisë së Kupës Botërore të FIFA-s ‘Katar 2022’ është një projekt i rëndësishëm që bazohet në ndikimin e madh të konkurrencës nga perspektiva e qëndrueshmërisë”, tha Gianni Infantino, president i FIFA-s.
Infantino theksoi se FIFA po e çon konceptin e fondit të trashëgimisë në nivel tjetër për sa i përket shtrirjes dhe ndikimit, duke ndihmuar prioritetet kryesore si refugjatët, shëndeti në punë, arsimi dhe zhvillimi i futbollit.
Siç thekson FIFA, ky trup ndërkombëtar në partneritet me organizatat globale, respektivisht Organizatën Botërore të Shëndetësisë (OBSH), Organizatën Botërore të Tregtisë (OBT) dhe Agjencinë e OKB-së për Refugjatët (UNHCR), përmes kësaj nisme synon të zgjasë trashëgiminë e Kupës së Botës ‘FIFA Katar 2022’ përtej futbollit.
Theksohet se programi synon të zgjidhë sfidat kryesore globale si mbështetja për refugjatët, shëndeti publik, arsimi dhe zhvillimi i infrastrukturës së futbollit, duke kontribuar në përparimin e rëndësishëm social dhe ekonomik në mbarë botën.
Burimi / aa.com.tr