Me datë 4 dhe 5 prill, Akademia e Tregtisë elektronike organizoi Samitin e shtatë “Balkan E-Commerce” në Sofje, Bullgari.
Në këtë Samit morën pjesë kompani dhe Institucione nga 10 vende, nga Ballkani e më gjerë të cilët prezantuan aktivitetet e tyre.
Në këtë panair u prezantua edhe grupi rajonal “SEB Global Group” i përfaqësuar nga Aleksandar Gjorgjievski, master i Ekonomisë Ndërkombëtare, auditor shumëvjeçar dhe kryetar i bordit të këtij grupi, Tony Tamburkovski si menaxher korporativ i platformës dhe Blerim Rushiti, menaxher i zhvillimt rajonal.
Kjo është një platformë në të cilën marrin pjesë kompani nga Bullgaria, Serbia, Shqipëria dhe Maqedonia e Veriut, me mundësi zgjerimi në vendet tjera evropiane.
