Gjykata Themelore Penale në Shkup e pranoi propozimin e Prokurorisë Themelore Publike në Shkup dhe caktoi masë paraburgimi prej 30-të ditësh për dy udhëheqës nga NP “Higjiena Komunale”-Shkup, për shkak të dyshimit bazë për vepër penale “Rrezikim të mjedisit jetësor dhe natyrës me mbeturina”, nga neni 230 paragrafi 1 i kodit Penal. Bëhet fjalë për drejtorin e ndërmarrjes publike “Higjiena Komunale”, Sabahundin Rustemi, dhe për drejtorin për mbeturina në të njëjtin institucion.
Prokuroria ka kërkuar këtë masë për të dy të dyshuarit si rezultat i dyshimeve për kryerje të veprës penale “Rrezikim i mjedisit jetësor dhe natyrës për shkak të mbeturinave” sipas nenit 230, paragrafi 1 të Kodit Penal.
Nga Gjykata u bë me dije se masa e burgimit është caktuar për të dy të dyshuarit “për shkak të ekzistencës së bazave për pengim të hetimit ose ndikim mbi dëshmitarë, dhe për mundësi që të kryejnë përsëri veprën”.
Prokuroria njoftoi se të dy personat, të punësuar në N P “Higjiena Komunale”, kanë vepruar në kundërshtim me Ligjin për menaxhim me mbeturina dhe me detyrimet e tyre për mbledhjen dhe transportimin e mbeturinave të rrezikshme në territorin e Qyteti i Shkupit, si dhe me detyrimet të parashikuara në Programin Operativ për mbledhjen dhe transportin e mbeturinave komunale dhe në Planin Operativ për mirëmbajtjen e pastërtisë publike në qytet.