Aksioni i zhvilluar mbrëmjen e sotme në Çair dhe Haraçinë është fokusuar te pjesëtarë të grupeve nga Duqanxhiku dhe Haraçina. Sipas burimeve jozyrtare, anëtarët e këtyre grupeve janë ndjekur përmes metodave të posaçme të monitorimit, të njohura si “masa Pi”.
Gjatë marrjes në pyetje nga inspektorët e MPB-së, ata dyshohet se kanë pranuar përfshirjen në disa nga vrasjet e ndodhura kohët e fundit në Shkup.
Raportohet se aksioni ishte planifikuar të kryhej të martën, por për shkak të rrjedhjes së informacioneve nga strukturat brenda MPB-së, strategjia u ndryshua në momentin e fundit, duke u realizuar me shpejtësi mbrëmjen e së dielës.