Nesër (27.04.2023) do të bëhet inaugurimi i rrugës me emrin “Ibrahim Rugova” (ish-“Sllavej Pllanina”) në Komunën e Çairit, ku do të merr pjesë presidentja e Republikës së Kosovës, Vjosa Osmani Sadriu.
Ngjarja e inaugurimit të rrugës do të fillojë në ora 09:15 në afërsi të Ambasadës së Republikës së Shqipërisë, ndërsa më pas presidentja e Republikës së Kosovës do të vizitojë Çarshinë e Vjetër të Shkupit si dhe do të vendosë kurorë me lule tek shtatorja e heroit kombëtar shqiptar Gjergj Kastrioti Skënderbeu dhe tek përmendorja e Hasan Prishtinës.