Prokuroria e Krimit të Organizuar dhe Korrupsionit ka hedhur poshtë padinë e kryetarit të komunës së Tetovës, Bilall Kasami ndaj ish kryetares, Teuta Arifi për shpërdorim të detyrës. Kasami tha se refuzimi i padisë është rezultat i zgjedhjes së Islam Abazit në krye të prokurorisë për luftimin e krimit të organizuar dhe korrupsionit. Kasami tha se për këtë rast ka informuar të gjitha ambasadat e huaja në vend dhe se për luftimin e korrupsionit nevojitet ndërhyrje më agresive nga SHBA-të.