Stuhia e mbrëmshme që goditi vendin shkaktoi dëme të mëdha materiale. Rrugë të përmbytura, pemë të rrëzuara, automjete të dëmtuara, shkruan Alsat.
Lidhur me këtë shtruam pyetjet çfarë mbulojnë polisat e sigurimit në raste të tilla? Në një bisedë të shkurtër me njërën nga kompanitë e sigurimeve, thanë se sigurimi i obligueshëm nuk përfshin dëmet materiale. Në të mund të vendosen vetëm xhamat e automjetit, por edhe kjo kërkon pagesë shtesë, ndërsa nëse qytetari dëshiron sigurim shtesë nga stuhia për automjetin, përkatësisht kasko çmimi ndryshon në varësi të automjetit, më saktë, sa më i ri të jetë automjeti, aq më i shtrenjtë është sigurimi.
Një pjesë e qytetarëve thonë marrin sigurim shtesë, ndërsa pjesa tjetër thotë se me standardin në vend, është shtrenjtë të sigurohet kasko, pasi është thuajse një rrogë plus.
Një ditë më parë nga stuhia u përfshin më shumë pjesë të Maqedonisë së Veriut, edhe atë qendrore, veriperëndimore dhe verilindore. / Alsat.mk