Bartësi i listës për këshilltarë në qytetin e Shkupit nga radhët e AKI-së, AbdulSelam Selami, ka zhvilluar një takim me persona me nevoja të veçanta, ku ka shprehur respektin dhe admirimin e tij për guximin dhe forcën që ata tregojnë çdo ditë, informon POPULLI.mk
“Çdoherë ndjehem i nderuar kur takoj persona me nevoja të veçanta. Ata me historitë e sakrificave të përditshme dhe me buzëqeshjen e tyre, më japin një mësim të madh për jetën”, u shpreh Selami.
Ai tha se bashkë me Bujarin kanë premtuar se këto kategori nuk do të ndihen më të vetmuar, duke shtuar se do të angazhohen seriozisht për krijimin e kushteve më të drejta dhe më të barabarta.
Ndër masat konkrete që paralajmëroi janë: instalimi i semaforëve me zë, ndërtimi i korsive të veçanta, organizimi i garave sportive komunale për persona me nevoja të veçanta, si dhe krijimi i fondeve të posaçme për familjet që kanë anëtarë me nevoja të veçanta.
“Fuqia e një shoqërie matet me kujdesin që i jep më të ndjeshmëve. Unë besoj fuqishëm se me solidaritet, dashuri dhe përkushtim, do ta ndërtojmë një realitet ku çdo njeri, pavarësisht sfidave të tij, do të ndjehet i barabartë dhe i vlerësuar në vendin tonë”, theksoi ai. / © POPULLI.mk