BC Çair 2030, mori fitoren e dytë në xhiron e tretë të kampionatit vendor pasi sonte i shkaktoi humbjen e parë ish-kampionit Euro Nikel.
Dueli përfundoi 74-73 falë koshit të Pavle Mihajloskit një sekondë para se të përfundonte takimi. Çairasit ishin në epërsi më shpesh se Euro Nikel.
Kjo është fitorja e dytë e klubit çairas duke dëshmuar edhe njëherë se janë forcë e vërtetë për t’u përballur me ekipet e Ligës së Parë në basketbollin e RMV. Ndryshe shqiponjat e Çairit kanë kapacitetin edhe për të befasuar klubet vendore me arsenalin e lojtarëve që posedojnë.