Një gjykatë në Stamboll ka miratuar një vendim që do të mbajë në burg 15 nga 44 personat e arrestuar nën dyshimin se kanë spiunuar për Izraelin.
Të dyshuarit u arrestuan të martën për gjoja planifikimin e aktiviteteve që përfshinin zbulimin, ndjekjen, sulmin dhe rrëmbimin e shtetasve të huaj që jetonin në Turqi.
Ministri i Drejtësisë, Yilmaz Tunc, ka shkruar në një postim në mediat sociale se të dyshuarit ishin dërguar në gjykatë me akuzën e kryerjes së “spiunazhit politik ose ushtarak” në emër të inteligjencës izraelite.
Agjencia e inteligjencës së jashtme izraelite Mossad thuhet se ka rekrutuar palestinezë dhe shtetas sirianë brenda Turqisë, si pjesë e një operacioni kundër të huajve që jetojnë në Turqi, njoftoi agjencia shtetërore e lajmeve Anadolu.
Sipas raportimeve, një i dyshuar ka mbledhur informacione për pacientët palestinezë të cilët së fundi ishin transferuar në Turqi për kujdes mjekësor.
Burimi © KOHA.net