Kryetari i BDI-së, Ali Ahmeti, edhe pas përfundimit të raundit të parë të zgjedhjeve lokale, ku partia e tij pësoi humbje në disa komuna të rëndësishme, vazhdon të mos e pranojë rezultatin si disfatë, shkruan POPULLI.mk
Në një deklaratë për media, Ahmeti tha se “humbës është koalicioni VLEN”, duke tentuar të relativizojë rënien e mbështetjes për BDI-në në shumë zona me shumicë shqiptare.
Gjatë konferencës, një gazetar e pyeti nëse, pas këtyre rezultateve, ai do të tërhiqet nga politika dhe nëse pritet të ketë reforma brenda partisë. Reagimi i Ahmetit ishte i ashpër dhe me tone të larta:
“Përse të tërhiqem mor vëlla, a ke veshë a s’ke? Le të tërhiqen ata që kanë humbur!”
Deklarata e tij ka ngjallur reagime të shumta në opinion, ku shumë e shohin si shenjë të qartë se lideri i BDI-së ende nuk është gati të pranojë realitetin e ri politik që po formohet në skenën shqiptare të Maqedonisë së Veriut. / © POPULLI.mk
https://www.facebook.com/reel/25215797971394341