MEGA KONCERTI FESTIV I ANSAMBLIT SHTETËROR dhe pesë SHKA-të
28 NËNTOR 2022 – Opera dhe baleti i Maqedonisë
Të ulesh dhe nga poshtë t’i shohësh gjërat. Kjo ndodhë sa herë që duam të zbresim aty ku “troket” sponatniteti i publikut. Sa më afër këtij spontaniteti, aq më afër je tingujve të padukshëm që lëshon jehona e një misioni. Në vrapin e historisë shumë kalorës nuk kanë arritur në cakun e duhur, por me një vullnet spartan shkurtohen distancat e maratonës. Ansambli Shqiptar atë mbrëmje të 28 Nëntorit, Ditën e Shenjtë të Flamurit edhe njëherë iu bashkua një misioni për ta bërë Shkupin Dardan të dinjitetshëm, siç doli i dinjitetshëm edhe koncerti ynë, i cili bashkoi në një pikë lirikën dhe epikën tonë legjendare. Ansambli Shqiptar arriti në cakun prej nga nuk ka më kthim… Një kolorit i pasur muzikor, shoqëruar me ritmin e valleve dhe atmosferën impozante të publikut – do të ngelin gjurmët e një kujtese në shiritin e gjatë të kohës.
Të ulesh dhe nga poshtë t’i shohësh gjërat, ky është misioni që më jep rehatinë e të qenit i vogël në mesin e kësaj armate që ndjek sukeset e Ansamblit tonë! (Shk.T)
Shkup, 30. 11. 2022