Perëndimi përgatitet që Putini të përdorë në Ukrainë” çfarëdo mjeti që i ka mbetur”
Udhëheqësit perëndimorë po përgatiten që Vladimir Putin të përdorë “çfarëdo mjeti që i ka mbetur” duke përfshirë kërcënimet bërthamore dhe sulmet kibernetike në përgjigje të sulmeve të Ukrainës kundrejt Rusisë.
Zyrtarët britanikë në samitin e ministrave të jashtëm të G7 në Japoni thanë se ata prisnin që Rusia të hakmerrej dhe “duhet të jetë e përgatitur” për taktika ekstreme ndërkohë që përpiqet të mbajë territorin territorin ukrainas.
Ish-presidenti rus Dmitry Medvedev tha muajin e kaluar se Moska ishte gati që ukrainasit të kundërpërgjigjeshin, duke paralajmëruar se vendi i tij do të përdorte “absolutisht çdo armë” nëse Kievi do të përpiqej të rimarrë Krimenë, e cila u aneksua nga Rusia në 2014.
Vendet që ndihmojnë Rusinë në Ukrainë do të paguajnë “çmim të lartë”, zotohet G7
G7 paralajmëroi vendet kundër ndihmës së Rusisë në Ukrainë. Duke u mbledhur në Alpet japoneze, ministrat e jashtëm të vendeve të G7 premtuan se do t’i detyronin ata që ofrojnë ndihmë për Moskën të paguajnë një “çmim të lartë”.
Grupi, i cili përfshin Mbretërinë e Bashkuar, SHBA-në, Francën, Japoninë, Italinë, Kanadanë dhe Gjermaninë, gjithashtu u zotua të vazhdojnë sanksionet kundër Rusisë.
Ekonomia e Kinës rimëkëmbet më shpejt se sa pritej pas Covid
Ekonomia e Kinës u rimëkëmb më shpejt nga sa pritej, pasi lehtësoi kufizimet e rënda për Covid-19 dhe shpenzimet e konsumatorëve u rritën.
Ekonomia e dytë më e madhe në botë u rrit me një normë prej 4.5% krahasuar me të njëjtin tremujor të një viti më parë, sipas Byrosë Kombëtare të Statistikave. Ritmi i rritjes ishte më i shpejti në një vit dhe mposhti parashikimin e rritjes prej 4% nga analistët e anketuar nga Reuters.
FBI arreston ushtarin që aplikoi për punë në RentAHitman.com
Website i rremë RentAHitman.com ka kapur një tjetër vrasës të mundshëm me pagesë pasi një ushtar amerikan aplikoi për të qenë vrasës dhe pranoi misionin e tij të parë (të rremë) me sa duket duke besuar se ishte i vërtetë.
Faqja u krijua fillimisht në vitin 2005 për të reklamuar një kompani të sigurisë kibernetike që nuk u zhvillua kurrë. Megjithatë, mori shumë pyetje gjatë viteve në lidhje me shërbimet e vrasjes me pagesë, sipas deklaratës. Përfundimisht, administratori i faqes e ktheu atë në një faqe parodi me dëshmi të rreme, një formular për të kërkuar shërbime dhe një formular aplikimi për t’u bërë një vrasës me pagesë.
Papa Françesku sulmon pretendimet për Papa Gjon Palin II dhe vajzat e mitura
Papa Françesku ka denoncuar “pretendimet fyese dhe të pabaza” se paraardhësi i tij Gjon Pali II dilte natën në kërkim të vajzave të mitura. Komentet e Papës i drejtoheshin Pietro Orlandi-t, motra e të cilit Emanuela u zhduk në moshën 15-vjeçare në qershor 1983 teksa po kthehej në shtëpi në Romë.
Familja Orlandi jetonte në qytetin e Vatikanit, ku babai i saj ishte një punonjës laik në shtëpinë papale. Gjatë marrjes në pyetje me prokurorët e Vatikanit javën e kaluar, Orlandi tregoi një kasetë audio që përmbante një bisedë të supozuar mes një gazetari dhe bosit të një organizate kriminale të Romës, të dyshuar si të përfshirë në zhdukjen e Emanuelës.
Në regjistrim, thuhet se i ndjeri Gjon Pali II, dilte natën me klerikë të tjerë në kërkim të vajzave adoleshente. Rihapja e hetimit pason publikimin në Netflix të “Vatican Girl”, një dokumentar mbi teoritë për këtë çështje.