Dritan Rexhepi, i njohur si “mbreti shqiptar i kokainës”, është arrestuar në Stamboll.
Ai ishte në kërkim nga Italia dhe Shqipëria dhe mbante pasaporte false me emrin Benjamin Omar Perez Garcia.
Rexhepi u arrestua gjatë një operacioni kundër kartelit të quajtur “Kompania Bello”, i cili transportonte drogë nga Amerika e Jugut në Evropë.
Rexhepi u kap si rezultat i punës së përbashkët të kryer nga drejtoritë e Luftimit të Krimeve Narkotike, Inteligjencës, Kundër Kontrabandës së Emigrantëve dhe Kalimeve Kufitare dhe shkëmbimit të informacionit me policinë italiane.
Ai kërkohej nga Italia dhe Shqipëria për “vrasje me dashje”, “drogë”, “rrëmbim”, “falsifikim” dhe “armë e municione”.
https://www.instagram.com/reel/Czdbd6eI-Hu/?utm_source=ig_embed&ig_rid=98b47c72-79be-497c-a840-34f6d4b7b891