Bashkimi Evropian mund të konsiderojë zëvendësimin e importeve të gazit natyror të lëngshëm rus me atë nga SHBA-ja, ka deklaruar presidentja e Komisionit Evropian, Ursula von der Leyen.
Ajo ka thënë se qasja e BE-së ndaj politikave tregtare kur Donald Trump të bëhet president i SHBA-së në janar do të jetë të shikojë interesat e përbashkëta dhe të negociojë.
“Ne ende marrim shumë gaz të lëngët natyror nga Rusia dhe pse jo ta zëvendësojmë atë me gazin e lëngët natyror amerikan, i cili është më i lirë për ne dhe ul çmimet tona të energjisë,” tha von der Leyen për mediat në Budapest.
Fluksi i gazit të lëngët natyror jashtë Rusisë përfaqëson një burim kyç i të ardhurave ruse dhe Kremlini shpreson të rrisë pjesën e tij të tregut global nga 8 në 20 për qind.
Megjithatë, sanksionimi i anijeve është një punë e vështirë, pasi ato ende po ofrojnë sasi të mëdha gazi të lëngët natyror për Evropën, e cila deri më tani nuk ka sanksionuar gazin e lëngët natyror rus.
Një paketë sanksionesh e zbuluar në qershor nuk vendosi një ndalim të plotë për dërgesat ruse të gazit të lëngshëm natyror.
Në vend të kësaj, masat vendosin një ndalim të trans-dërgesave jashtë porteve të BE-së të gazit të lëngshëm natyror rus, duke parandaluar shitjen e mallit në vendet e treta nëpërmjet porteve të BE-së.