Presidenti amerikan Donald Trump mund të udhëtojë për në Stamboll të Turqisë, ku pritet të zhvillohet takimi mes presidentit ukrainas Volodimir Zelenski dhe atij rus Vlladimir Putin të enjten. “Po mendoja të fluturoja atje.
Ekziston një mundësi nëse mendoj se gjërat mund të ndodhin. Duhet ta përfundojmë”, tha presidenti amerikan. Ai thotë se administrata amerikane është duke punuar shumë që të shohë nëse mund të ndalet gjakderdhja. Tramp gjithashtu thotë se beson se Rusia do të pajtohet për një armëpushim 30-ditor në Ukrainë.
