Në një konferencë për media, kandidati për kryetar të Komunës së Çairit, Bujar Osmani, foli për projektet që planifikon të realizojë nëse fiton zgjedhjet, mes tyre edhe çështjen e parkingjeve, shkruan POPULLI.mk
Por ajo që tërhoqi më shumë vëmendje ishte deklarata e tij se “çdo i dyti fëmijë në Çair ka kurrizin e shtrembër sepse nuk kanë bërë edukatën fizike si duhet”, duke e lidhur këtë me mungesën e edukatës fizike nëpër shkolla.
Me këtë konstatim, Osmani praktikisht hodhi poshtë punën dhe sakrificën e arsimtarëve dhe profesorëve, të cilët për vite të tëra japin mundin e tyre nëpër shkollat e Çairit.
Pyetja që lind është se a i ka numëruar Bujar Osmani një për një nxënësit me probleme shëndetësore?
Para se të drejtojë gishtin nga arsimtarët, ndoshta do të ishte e udhës që vetë të japë përgjigje të qarta mbi bazën e këtyre shifrave që përdor në fushatë kandidati i AKI-së në Çair. / © POPULLI.mk
