“Corriere dello Sport” shkruan këtë të mërkurë se José Mourinho ka vendosur të qëndrojë te Roma deri në fund të kontratës së tij, pavarësisht interesimit të Newcastle dhe PSG për shërbimet e tij.
Trajneri ka një kontratë deri në vitin 2024 dhe së fundmi tha se do të takohet me pronarët e klubit për të përcaktuar të ardhmen e tij. Dhe gazeta italiane tani shkruan, se Mourinho tashmë ka vendosur të qëndrojë në Olímpico.
Vendimi do të jetë marrë para pushimit të kampionateve për angazhimet e kombëtareve, periudhë që Mourinho e kaloi në Londër, në shoqërinë e familjes.
Trajneri portugez është një nga objektivat e Newcastle, i cili, sipas të gjitha indikacioneve, mund të heqë dorë nga Eddie Howe në verë. Ai është gjithashtu në sy të PSG-së, pasi është një trajner që pëlqen Luís Camposit.
Nga ana tjetër, vazhdimësia e Mourinhos duhet të bindë Paulo Dybala dhe Chris Smalling të qëndrojnë te Roma. Argjentinasi ka një klauzolë lirimi prej 12 milionë eurosh për klubet jashtë Serie A dhe 20 milionë për klubet italiane, ndërsa mbrojtësi anglez e përfundon kontratën e tij në qershor.