Banka Botërore sot do ta prezentojë raportin me titull “Rritja e gjelbër në sektorin e bujqësisë në Maqedoninë e Veriut”, i cili do t’ju prezentohet përfaqësuesve të sektorit bujqësor në vend.
Siç informojnë nga Zyra e BB në shtet, në prezentim fjalim hyrës do të kenë ministri i Bujqësisë, Pylltarisë dhe Ekonomisë së Ujërave, Lupço Nikollovski dhe Frauke Jungbult, menaxher në Bankën Botërore në rajonin e Evropës dhe të Azisë Qendrore në kuadër të sektorit të bujqësisë dhe ushqimit.
Raportin do ta prezentojnë Silvia Mauri, specialiste e lartë në bujqësi në kuadër të sektorit të bujqësisë dhe ushqimit të Bankës Botërore dhe Demetris Psaltopulos, ekspert i lartë për politikë bujqësore në Bankën Botërore.