Një tortë me mbishkrimin “15%” i është dhuruar kryetarit të Zyrës së Rregullatorit për Energji, Ymer Fejzullahu nga aktivistët e nismës “Asnjëcentmëshumë”.
Pasi Fejzullahu refuzoi aktivisti Dibran Hoxha ia hodhi tortën në fytyrë kreut të ZRRE-së derisa ai hyri brenda në veturë.
Aksioni i sotëm i paraprinë atij të së hënës brenda zyrave të ZRRE-së.
Aktivistët po kundërshtojnë rritjen e paralajmëruar prej 15% të çmimit të energjisë elektrike që është paralajmëruar se do të nis nga muaji prill.
Të shtunën nga ora 15:00 është paraparë të mbahet protesta në sheshin “Skënderbeu” në Prishtinë.