Për shkak të punimeve në rrjetin elektro-distributiv, sot disa zona në komunën Qendër dhe në komunën Gjorçe Petrov do të mbesin përkohësisht pa energji elektrike.
Sipas njoftimit nga Qendra Rajonale për Menaxhim me Kriza, duke u bazuar në të dhënat e EVN Maqedoni, nga ora 06:00 deri në 12:00 pa rrymë do të jenë pjesë të rrugës “Leninova” rreth Ambasadës së Holandës, rruga “Kole Nedelkovski” dhe rruga “Kiro Krstevski-Platnik” në komunën Qendër. Ndërsa nga ora 09:00 deri në 14:00 pa energji elektrike do të jenë disa përdorues në rrugën 95 në Volkovo.