Pas mbledhjes së qeverisë dhe kryetarëve të bashkive një ditë më parë, kryeministri Edi Rama ka vijuar edhe sot takimet në Shkodër.
Kreu i qeverisë po zhvillon në lagjen “Xhabiej” një takim me dy organizata të Partisë Socialiste të kësaj zone, takim që mbahet në kuadër të riorganizimit të PS dhe anëtarësimet e reja.
Të pranishëm janë edhe deputetët e qarkut Agron Çela, Edona Bilali, Frrok Gjini si dhe e deleguara politike Elisa Spiropali.
Rama më herët i shoqëruar nga kryebashkiaku Benet Beci, ka kryer edhe disa inspektime në qytet, kryesisht në zona ku janë parashikuar investime te reja.