Presidenti Stevo Pendarovski në një ceremoni solemne ndau Urdhrin e Meritave për Republikën e Maqedonisë së Veriut, Medaljen për Merita për Republikën e Maqedonisë së Veriut dhe Kartën e Republikës së Maqedonisë së Veriut. Me Urdhrin e Meritave për Republikën e Maqedonisë së Veriut, Presidenti Pendarovski i ka dekoruar Bajrush Mjakun, Goce Todorovskin dhe Kole Angelovskin, transmeton Portalb.mk.
Mirënjohja Karta e Republikës së Maqedonisë së Veriut iu dha Teatrit Shqiptar për ekzistencën e tij shtatëdhjetëvjeçare, gjatë së cilës u vendos si një nga institucionet artistike lider që realizon një veprimtari veçanërisht të rëndësishme kulturore, arsimore dhe estetike në shoqërinë e Maqedonisë, si dhe për kontributin e saj të paçmuar në zhvillimin e teatrit modern në Republikën e Maqedonisë së Veriut.
Bajrush Mjaku shquhet për karrierën e tij tre dekadash si një nga aktorët më të rëndësishëm të teatrit bashkëkohor të Maqedonisë. Ai është një nga figurat qendrore të teatrit në Republikën e Maqedonisë së Veriut.
Goce Todorovski shquhet për kontributin e tij në zhvillimin, popullarizimin dhe afirmimin e artit teatror.
Kole Angelovski shquhet për karrierën e tij të pasur artistike 60-vjeçare si një nga figurat më komplekse të teatrit dhe filmit maqedonas.
Medalje për merita për Republikën e Maqedonisë së Veriut iu nda Branko Ognjanovskit, Vasko Todorovit dhe Lupço Karovit.
Lupço Karov shquhet për kontributin e tij të autorit dhe për pjesëmarrjen e tij në spektaklin unik të humorit “K-15”, përmes të cilit përcolli një satirë unike sociale, politike dhe ekonomike për gjendjen në shoqërinë maqedonase.
Branko Ognjanovski dhe Vasko Todorov dallohen për spektaklin unik të humorit “K-15”, përmes të cilit përcjellin një satirë unike sociale, politike dhe ekonomike për gjendjen në shoqërinë maqedonase.
https://www.facebook.com/photo/?fbid=935266204630957&set=pcb.935266467964264
