Gjimnazistët nga Çairi të cilët dje u shpallën kampionë të garës me renome botërorë NASA Space Apps Challenge duke krijuar aplikacionin më të mirë nacional, i pritëm sot me nënkryetaren Sermine Purrinin në Komunën e Çairit.
Nxënësit të shoqëruar nga drejtori e Shkollës së Mesme “Zef Lush Marku”, Faruk Zeqiri ku edhe mësojnë dhe mentori Nderim Nagavci, koordinator i Qendrës rinore në Çair – YCCC dhanë shpjegimin se si kanë arritur ta krijojnë aplikacionin nacional që edhe u shpall më i miri në mesin e një numri të madh të ekipeve që garonin.
Nxënësit Jasir Idrizi, Krenar Ahmeti, Dijar Selami, Endrit Shaqiri dhe Andi Ganiu me faktin që morën vendin e parë në garën NASA Space Apps Challenge, fituan edhe të drejtën për të vizituar NASA’s Kennedy Space Center në Shtetet e Bashkuara të Amerikës.
Gjatë takimit të sotëm të rinjtë i inkurajova të vazhdojnë në këtë rrugë dhe i binda se me vet faktin që ata krijuan një aplikacion kaq të rëndësishëm të njohur nga vet NASA, do të jenë faktor i padiskutueshëm edhe në krijimin e një ardhmërie sa më të ndritshme për të gjithë shoqërinë.
Youth Community Center Cair – YCCC
U.S. Embassy North Macedonia