Zëvendëskryeministri i parë, Artan Grubi sot ka mirëpritur ambasadoren e re të Mbretërisë së Suedisë, Ami Larsson.
Kam pritur sot në takim ambasadoren e re të Mbretërisë së Suedisë, Ami Larsson Jain, e me këtë rast e urova për mandatin e ri dhe i dëshirova sukses në detyrë.
Biseduam për reformat në vend dhe përgatitjet që bën vendi në procesin e eurointegrimit si dhe sfidat me të cilat përballet mbarë bota me krizën ekonomike dhe energjetike.
Republika e Maqedonisë së Veriut ka ratifikuar ndër vendet e para protokollin për anëtarësim në NATO për Suedinë, duke u rreshtuar kështu krah botës demokratike.
Shpreha falenderim për mbështetjen e Suedisë për rrugën europiane të Republikës së Maqedonisë së Veriut, duke kërkuar që e njëjta të vazhdojë edhe më tej.