Moti sot do të jetë kryesisht me diell dhe dukshëm më i ngrohtë me vranësira të vogla lokale dhe me erë të dobët deri në mesatare nga veriu, më e theksuar përgjatë Vardarit. Temperatura minimale do të jetë në intervalin prej 9 deri në 17 gradë, ndërsa maksimalja do të arrijë nga 23 deri në 31 gradë Celsius.
Edhe në Shkup do të jetë me diell dhe më ngrohtë. Do të fryjë erë mesatare, herë pas here e fortë nga veriu. Temperatura minimale do të zbresë deri në 13 gradë, ndërsa ajo maksimale do të arrijë deri në 29 gradë.
Mot stabil dhe dukshëm më i ngrohtë do të jetë edhe nesër, ndërsa nga pasditja e së mërkurës do të jetë i paqëndrueshëm në pjesët perëndimore. Në ditët në vijim të fundjavës do të ketë kushte për reshje të rrëmbyeshme shiu të ndjekur me bubullima dhe erë të fortë edhe në pjesë të tjera të vendit.