10.8 C
Skopje
E premte, 29 Mars, 2024

Kryetarja e Këshillit Gjyqësor, Pavlina Cërvenkovska ka dhënë dorëheqje

Jep dorëheqje kryetarja e Këshillit Gjyqësor, Pavlina Cërvenkovska

Pavlina Cërvenkovska ka dhënë dorëheqje të parevokueshme nga pozita e kryetares së Këshillit Gjyqësor.

Dorëheqjen e ka dhënë para fillimit të seancës së sotme të 421-të të Këshillit.

“Po e njoftoj opinionin se po jap dorëheqje nga pozita e kryetarit të Këshillit Gjyqësor të RMV-së. Menjëherë pas zgjedhjes sime në këtë post, filloi një ndjekje mediatike me qëllimin përfundimtar të dorëheqjes sime, sepse zgjedhja ime për kryetar nuk i përshtatej një grupi të elitës gjyqësore-biznesore. Deri më sot, ndjekja nuk është ndalur përmes shpërndarjes së informacioneve të rreme për gazetarët, ndërsa proceset e brendshme në Këshill, të cilat janë të një rëndësie kyçe për detyrat e kryera me sukses dhe për funksionimin e gjyqësorit, janë penguar dhe vonuar vazhdimisht”, thekson ajo në dorëheqjen.

Siç thotë Cërvenkovska, u bë për keqardhje që, siç thotë ajo, “në vend që t’i përkushtohemi aktiviteteve dhe reformave dhe përmirësimit të gjendjes në gjyqësor, për dikë u bë më e rëndësishme se si të më sulmojë mua dhe si të dëmtojë projektet”.

“Shembulli i fundit i një informimi të rremë për gazetarët ishte për faktin se ishte vendimi im i paligjshëm për të zgjedhur një anëtar të Bordit Drejtues të Akademisë së Gjyqtarëve dhe Prokurorëve Publikë, ndonëse unë as propozova dhe as nuk votova për anëtarin e Këshillit Gjyqësor, Zoran Gerasimoski. Shpresoj që kryetari i ardhshëm të jetë i përshtatshëm për këtë elitë juridiko-biznesore. I jam mirënjohës atyre kolegëve që treguan respekt dhe më përkrahën në synimet e mia për të ndryshuar diçka, por megjithatë Këshilli si organ kolektiv vendos se në cilën rrugë do të lëvizë gjyqësori, thekson Cërvenkovska në dorëheqjen e saj.

Të ngjajshme

Të fundit