Kreu i Nismës Socialdemokrate, Fatmir Limaj, ka votuar sot në kuadër të zgjedhjeve për Kuvendin e Kosovës. Ai e hodhi votën e tij në shkollën “Faik Konica” në Prishtinë.
Pas votimit, Limaj theksoi rëndësinë e kësaj dite për vendin.
“Sot është një ditë e rëndësishme për demokracinë e Kosovës dhe për shtetin tonë. Sot është dita e vendimmarrjes së çdo qytetari për ta bërë këtë shtet më funksional. Shpresoj që çdo qytetar i Kosovës të vendosë për forcën e shtetit dhe funksionimin e tij. Sot vendosni se në dorën e kujt do ta lini Parlamentin e Kosovës”, tha Limaj.