Lidhja Social Demokrate e Maqedonisë përmes një kumtese për media thonë se Hristijan Mickoski i’a ka huqur në gjithçka që parashikonte në pjesën e energjetikës, dhe asnjë skenar i tij i zi nuk u realizua, informon Zuhrnal.
Siç thonë nga LSDM, Mickoski ka frikësuar opinionin se sistemi energjetik është para kolapsit, se do të ketë restriksione të energjisë elektrike.
“Gënjente Mickoski se çmimi i rrymës do të shtrenjtohet për mbi 50%, se në shtet nuk ka gaz të mjaftueshëm dhe energjensa. Të gjitha këto gënjeshtra ranë në ujë. Me masat përgjegjëse dhe politikat e LSDM-së, sistemi energjisë funksionon pa pengesa.
Të gjitha kapacitetet vendore për prodhim të rrymës janë në funksion, që rezultoi me prodhim të rritur të energjisë elektrike për 40% vetëm në fillim të vitit.
Kjo kontriboi që 72,000 kompani të paguajnë fatura më të ulëta për rrymë, dersa për amvisëritë çmimi i rrymës jo vetëm që nuk u rrit por është ulur paksa”, thonë nga LSDM.
Sipas tyre, LSDM përmes Qeverisë dhe institucioneve që udhëheqë vazhdon të investojë në sektorin energjetik dhe e përforcon pavarësinë energjetike në shtet, ndërsa Mickoski ngelet një panjohës i dëshmuar i politikave energjetike.