40 shtetas shqiptarë janë evakuuar me sukses përmes operacionit të parë që Shqipëria organizoi pas nisjes së luftës në Izrael.
Sipas autoriteteve shqiptare në grupin e parë prej 40 vetash ka shtetas të Shqipërisë, Maqedonisë së Veriut dhe Kosovës.
Mësohet se në mesin e të evakuarve është dhe vajza e Ministrit të Brendshëm të Kosovës, Xhelal Sveçlës. Ajo po qëndronte në Izrael për studime.
Ajo udhëtoi së bashku me shtetasit shqiptarë drejt aeroportit të Rinasit ku e priste babai i saj.
Shqipëria ka ende shtetas shqiptarë në Izrael, por sot pasdite në orën 17 hapësira ajrore u mbyll për shkak të shpalljes së gjendjes së luftës.
Autoritetet shqiptare kanë marrë masa të identifikojnë shtetasit e tyre aty ku janë dhe do t’i evakuojnë sapo të krijohet mundësia e parë.
Burimi Insajderi