Të paktën 700 izraelitë janë vrarë nga sulmet e Hamasit sipas mediumit lokal N12 News.
Nëse konfirmohet, do të thotë se konflikti që ka nisur në mëngjesin e së shtunës ka marrë më shumë se 1000 jetë nga të dyja palët, shkruan Skynews.
Më herët sot, ministria e Shëndetësisë e Gazës ka thënë se të paktën 370 palestinezë janë konfirmuar të vdekur.
Ndryshe, ushtria amerikane planifikon të lëvizë anijet e marinës dhe avionët ushtarakë më afër Izraelit, sipas dy zyrtarëve amerikanë të njohur me këtë çështje.